7 шкодных звычак, якія перашкаджаюць вам зарабляць больш

Ёсць звычкі, якія шкодзяць здароўю або сацыяльнаму жыццю. Але некаторыя, незаўважныя на першы погляд, стрымліваюць патэнцыйна большы прыбытак. Ці не авалодала вамі адна з іх?

Tweet

Не ўсе з нас меркантыльныя, але, верагодна, усе пагодзяцца з тым, што зарабляць больш – гэта добра. Канешне, строгае планаванне бюджэту, скарачэнне расходаў і эканомія садзейнічаюць вашаму асабістаму фінансаваму росту, але гэтыя стратэгіі не ідуць у ніякае параўнанне з адным фактарам – вашым прыбыткам.

Большасць людзей разумее гэта, але многія грэбуюць некаторымі асновамі, што стрымлівае патэнцыйны прыбытак. Напрыклад, наступныя 7 шкодных звычак могуць значна абмежаваць колькасць заробленых вамі грошай:

 

1. Няздольнасць весці перамовы

Усё на свеце можна абмеркаваць. Гэта не значыць, што ў выніку перамоваў вы заўсёды атрымаеце ўсё, што жадаеце. Але вы ніколі не атрымаеце тое, чаго не папросіце. Давайце разгледзім перамовы наконт зарплаты. Першая прапанова, якую робіць большасць працадаўцаў, не з’яўляецца найбольшай з магчымых. Калі вы ўпэўнены ў сваіх навыках і вопыце, калі вы ведаеце пра прыблізную каштоўнасць сваёй працы, то няма ніякіх прычын, каб не папрасіць больш. Найгоршае, што можа здарыцца, – вам скажуць “не” і адрэагуюць сустрэчнай прапановай – а гэта ўжо больш, чым вы атрымалі б у адваротным выпадку. Я праходзіў у каледжы курс “Перамовы 101”, і адзінае, што даведаўся, засталося са мной назаўсёды – ніколі не прымайце першую прапанову, нават калі ўсё, што вы спытаеце, будзе: “Ці не можаце вы прапанаваць мне трохі больш?” Гэта адна з найлепшых парадаў, якую я калі-небудзь атрымліваў.

 

2. Адсутнасць інвестыцый у сябе

Па словах вялікага інвестара Уорэна Бафета, “Вы – заўсёды ваш самы вялікі актыў”. Вы можаце ўкладаць грошы ў акцыі, нерухомасць ці нейкую іншую матэрыяльную маёмасць, але найлепшая інвестыцыя, якую вы можаце зрабіць, – гэта вы самі. Вы сіла, якая можа зарабляць грошы, і менавіта вы прымаеце рашэнні ў вашым жыцці. Дзякуючы новым ведам, навыкам і вопыту, палепшанаму здароўю, вы павялічыце сваю каштоўнасць для будучых працадаўцаў і, у рэшце рэшт, будзеце зарабляць больш.

 

3. Тунэльны зрок

Большасць людзей гадзінамі пакутуюць у офісах у надзеі падняцца па кар’ернай лесвіцы, але яны маглі б укладваць кожную сваю капейку ў новы старт-ап. Тунэльны зрок можа перашкодзіць вашай доўгатэрміновай здольнасці зарабляць больш. Дастаткова бяспечная стратэгія – забяспечыць сабе некалькі крыніцаў даходу і не спадзявацца занадта моцна на адну з іх. Вы ніколі не ведаеце, калі ваш бізнес або кар’ера могуць быць парушаны. Калі ў вас ёсць стратэгіі рэзервовага капіявання, такія, напрыклад, як магчымасць здаваць нешта ў арэнду ці пабочны бізнес, ніякія разбуральныя падзеі не змогуць давесці вас да галечы.

 

4. Самаўпэўненасць

Пасля некалькіх гадоў на абраным шляху вы, верагодна, заўважыце, што страцілі былы энтузіязм ці матывацыю. Вы будзеце задаволены тым, кім вы ўжо сталі, і тым, што робіце, а таксама вашым месцам у арганізацыі. Самаўпэўненасць можа праяўляцца ў шматлікіх кірунках. Напрыклад, вы можаце траціць менш часу на працу і тым самым памяншаць прыбытак кампаніі. Або вы можаце адчуваць задавальненне ад свайго заробку і перастаць прасіць павышэнне, дзякуючы якому маглі б атрымаць больш вопыту і навыкаў. Калі вы адчуваеце, што пачынаеце выгараць, неабходна прымаць меры, каб гэтага пазбегнуць.

 

5. Звычка рабіць толькі тое, чаго ад вас чакаюць

Мэты маюць важнае значэнне для дасягнення поспеху, але таксама дадаюць і эфект абмежавання. Возьмем, напрыклад, подзвіг марафонскага бегуна: 26,2 мілі. Гэта канкрэтная адлегласць, і я ўпэўнены, што для большасці марафонцаў не склала б асаблівых цяжкасцяў, калі б дыстанцыя павялічылася да 27 або 28 міль. Тым не менш, усе спыняюцца на 26-ці, таму што гэта мэта. Усталяванне жыццёвых мэтаў – у адносінах да адукацыі, навыкаў, зарплаты, пасады – можа падмануць вас такім чынам, што вы будзеце дасягаць мінімуму, які ўстанавілі для сябе. Заўсёды імкніцеся да большага.

 

6. Залішняя лаяльнасць

Нярэдка здараюцца сітуацыі, калі на працы ўтрымлівае адданасць ёй, а не яе сапраўдная каштоўнасць. Нават калі вы ведаеце, што ваша праца з’яўляецца тупіком, які ніколі не прывядзе туды, куды вам патрэбна, вы застаяцеся, таму што адданыя працадаўцу. Гэта зручнае рашэнне, і яно нядрэннае – я лічу сябе даволі адданым чалавекам, і мне падабаецца гэта ў іншых. Аднак вы робіце дрэнна самому сабе, калі прыносіце ў ахвяру свае мэты.

 

7. Адсутнасць інвестыцый

Пасля таго, як у вас з’явяцца нейкія сціплыя зберажэнні, не давайце грошам проста ляжаць у банку – прымусьце іх працаваць на вас. Інвестуйце ў акцыі, аблігацыі або агульныя фонды і пачынайце атрымліваць пасіўны прыбытак або выкарыстоўвайце грошы, каб павысіць узровень адукацыі і знайсці для сябе новыя магчымасці.

Усё гэта здаецца відавочным. Атрыманне большай колькасці грошай – першы крок да багацця. Калі ваша мэта заключаецца ў тым, каб выплаціць доўг, зарабіць дастаткова грошай для самастойнага жыцця, падняцца па кар’ернай лесвіцы або проста палепшыць фінансавае становішча, то спачатку пазбаўцеся ад гэтых сямі звычак. Таксама можна выбраць сферу з найбольшым патэнцыйным заробкам ці перамясціцца ў зону з вышэйшым узроўнем даходаў, але названыя асновы стануць фундаментам вашай доўгатэрміновай фінансавай будучыні.